Республикæйы Сæргълæууæджы указмæ гæсгæ, ацы къабазы хъуамæ кусой æрмæстдæр коронавирусы ныхмæ иммунитет кæмæ ис, ахæм адæм
Дзæуджыхъæуы скъолатæ хойрагæй ифтонг кæныны комбинаты кусджытæ ацыдысты вакцинаци. Республикæйы Сæргълæууæджы указмæ гæсгæ, ацы къабазы хъуамæ кусой æрмæстдæр коронавирусы ныхмæ иммунитет кæмæ ис, ахæм адæм. Æнæкусгæ бонтæ æмæ æдасдзинады уæлæмхасæн мадзæлттæ баст сты ковиды уавæр снывыл кæнынимæ. Амы кусджытæй бирæтæ ныридæгæн уыдысты вирусæй рынчын, фæлæ та цæмæй ногæй ма фæрынчын уой, уый тыххæй сфæнд кодтой сæ иммунитет фæфидардæр кæнын. Прививкæтæ скодтой æрмæст цæлгæнæны кусджытæ нæ, фæлæ административон крпусы уæнгтæ дæр. 50 адæймагæн вакцинацийы пункт равæрдтой куыстуаты. Адæм бирæ февзæрстой цавæр вакцинæ скæной, уый. Æрцыдысты иумæйаг хъуыдымæ – æрлæууыдысты «Спутник лайт»-ыл. Æууæндынц ыл фылдæр. Специалисттæ куыд зæгъынц, афтæмæй йæ ахадындзинад 90% у фылдæр. Фыццаг бонты гæнæн ис адæймаг йæхи лæмæгъдæрæй æнкъара, фæлæ сын дохтыртæ рагагъоммæ радтынц амынддзинæдтæ. Куыстуатмæ ацы проецедурæ сæххæст кæнынмæ æрбацыдысты Дзæуджыхъæуы 4-æм поликлиникæйы дохтырты бригад.
