Сараздзысты йæ холдингы регионалон филиалты æххуысæй
Адæмы иудзинады бон паддазхадон телерадиокомпани нæ бæстæйы цæрджытæн равдисдзæн æппæтуæрæсеон телеуынадон онлайн-марафон «Славься, Отечество!». Сараздзысты йæ холдингы регионалон филиалты æххуысæй. Марафон райдайдзæнис райсомы 8 сахатыл уæрæсейаг мультимедион онлайн-платформæ Смотрим.ру йы, стæй паддазхадон телерадиокомпанийы регионалон партнерты эфирты. Онлайн марафон æрбамбырд кæндзæнис нæ бæстæйы æстай фондз регионы. Бæлвырд дзы равдисдзысты Калининград, Тулæ, Ярославль, Ростов, Стъарапол, Нижний Новород, Челябинск, Новосибирск æмæ Владивостокыл балцтæ. Телехолдингы регионалон департаменты разамонæг Рифат Сабитов куыд загъта, афтæмæй адæмы иудзинады бон æппæт регионалон филиалтæ сæ тыхтæ баиу кæнгæйæ равдисдзысты, 16 сахаты чи цæудзæнис, ахæм телемарафон. Равдисдзысты дзы нæ бæстæйы бирæвæрсыг истори, йæ хъæбатырты, адæмыхæттыты, дины, культурæ æмæ æгъдæутты тыххæй.
