Ивгъуыд мæйы астæу республикæ райста 30 мин препараты
Дзæуджыхъæуы поликлиникæты ис экспресс-тест скæнæн, коронавирусы буаргъæдтæ туджы ис, æви нæ, уый базоныны тыххæй. Ивгъуыд мæйы астæу республикæ райста 30 мин препараты. Байуæрстой сæ Цæгат Ирыстоны æппæт поликлиникæтыл æмæ тагъд æххуысы службæйыл. Алгоритммæ гæсгæ, цыбыр рæстæгмæ чи рабæрæг кæны низ, уыцы тестытæ традиционтæй ницæмæй хицæн кæнынц. Фæлæ специалисттæ куыд зæгъынц, афтæмæй уыдон процесс зынгæ тагъддæр кæнынц. Экспресс тестытæ фæагурынц, æвæстиатæй справкæ кæй фæхъæуы, ахæм адæм. Тестытæ кæнынц куыд бынаты, афтæ хæдзары дæр. Медицинон кусджытæ рацæуынц тестыты дыууæ хуызимæ. Традицион кæнынц алкæмæндæр, цæмæй ковид рабæрæг кæной, экспресс та рынчынæн йæхи куы бафæнда, уæд. Уым ын рафыссынц справкæ дæр. Экспресс кæнынц лæвар. Процедурæйыл хардзгонд цæуы 10 минуты онг.
