Ифтонгарз хæстæгдæр рæстæг сæмбæлдзæнис республикæйы ковид-стационартыл
Цæгат Ирыстонмæ æрбаластой туаггуыры 105 концетраторы. Ифтонгарз хæстæгдæр рæстæг сæмбæлдзæнис республикæйы ковид-стационартыл. Æнæниздзинадхъахъхъæнынады министрад куыд хъусын кæны, афтæмæй дзы пайда кæндзысты республикæйы клиникон рынчындоны, тагъд æххуысы рынчындоны, Æрыдоны, Мæздæджы æмæ Горæтгæрон районты рынчындæтты, стæй Архонкæйы рынчындоны. Æнæниздзинадхъахъхъæнынады министры хæстæ рæстæгмæ æххæстгæнæг Тебиаты Сослан куыд зæгъы, афтæмæй ног концентраторты фæрцы фæрогдæр уыдзæнис туаггуыр дæттæн стационарон системæты куыст. Фидæны ведомствæ балхæндзæн ноджыдæр 100 ахæм фæрæзы. Ныртæккæ та республикæйы æвæстиатæй æвæрынц цыппар туаггуыры станцæйы. Уæ зæрдыл уын æрлæууын кæндзыстæм — концентратортæ балхæдтой республикæйы сæргълæууæг Сергей Меняйлойы фæндонмæ гæсгæ. Регионалон бюджетæй сын радих кодтой авд милуаны æмæ рдæг.
