Низ дæм хæццæ кодта, æви нæ, стæй инфекци кæцы къæпхæны ис, уый базонæн ис цалдæр хуызы
Коронавирусæй рынчынты нымæцимæ рæзы, лабораторон диагностикæ скæнын кæй фæнды, уыцы адæмы нымæц дæр. Низ дæм хæццæ кодта, æви нæ, стæй инфекци кæцы къæпхæны ис, уый базонæн ис цалдæр хуызы. Бæлвырддæр хабæрттæ радзурдзæн Сосранты Жаннæ.
Абон зын ссарæн у ахæм адæймаг, COVID-19, сатураци, ИВЛ æмæ антитела, цы сты, уый чи нæ зоны. COVID-19-æй рынчынтæн дохтыртæ уынаффæ кæнынц сбæрæг кæнын адæймагмæ цас ис буаргъæдтæ M æмæ G кæй хонынц., уыдон. Низы рæстæг иммуноглобулины кълас M фæзынынц тагъддæр. Буары мидæг сæ хæс у, низ ма бауадзын дарддæр парахат кæнын. Ацы графикæйы пациенты анализы бæрæггæнæнмæ гæсгæ, йын дзы нæй ацы хуызы буаргъæдтæ. Уый ууыл дзурæг у, æмæ ацы адæймаг короновирусæй рынчын кæй нæу.
Нæ цæст æрдардтам бæрæггæнæн 17,9. (графика).Респубоикон клиникон рынчындоны нын куыд загътой, афтæмæй, уый у G къласы позитивон коэффициент. Бæрæг кæны пациенты туджы буаргъæдты бæрц, стæй йæ иммуннон системæйы хъару.
М буаргъæдтæй G къласы иммуноглобулинтæ хицæн кæнынц, уымæй æмæ фæзынынц низæй сдзæбæх уæвгæйæ. Ныр сæ бæрцмæ гæсгæ низæй хи бахизæн ис афæдзы онг.
Бирæты бафæнды вакцинацийы размæ базонын буаргъæдты бæрц. Цы тестытæй сæ кæнынц уыдон вæййынц æртæ хуызы. Сæ асламдæр у – хæрзхъæд хуыз, фæлæ уый скæнгæйæ буаргъæдты бæрц нæй базонæн.
Венæйы ист туджы руаджы базонæн ис, сæрмагонд методмæ гæсгæ иртасæн куысты фæстæ, буаргъæдтæ дзы ис æви нæй, уый.
G къласы буаргъæдтæ дих кæнынц дыууæ хуызы урсæгыл. Сæ иуæй рабæрæг вæййы, адæймаг короновирусæй кæй фæрынчын, æмæ йæм кæй ис низы ныхмæ буаргъæдтæ, иннæйæ та буаргъæдтæ рабæрæг вæййынц вакцинацийы фæстæ. Афтæ вæййы æмæ ПЦР-тест æмæ буаргъæдты анализ равдисынц фæйнæ хуызы бæрæггæнæнтæ. Уый уымæн æмæ буары иу хуызы элементыл дзурæг не сты. Кæд сæ иу агуры вирусы хæйттæ, уæд иннæ та бæрæг кæны адæймаджы иммунитет йæхи куыд равдыста, уый. Уымæ гæсгæ дохтыртæ куыд зæгъынц, афтæмæй короновирусы инфекци раиртасынæн æппæт анализтæ раттын хъæуы иумæ.
