25 ноября 2021, 14:01
Мады боны агъоммæ Дзæуджыхъæуы раарфæ кодтой бирæсывæллонджын ныййарджытæн
Пандемияйы уавæртæ хынцгæйæ, социалон кусджытæ бæрæгбон сарæзтой 10 бинонтæн
Мады боны агъоммæ Дзæуджыхъæуы ирыстойнаг районы социалон лæггæдты комплексон центр Æппæтуæрæсеон адæмон фронты активисттимæ раарфæ кодтой бирæсывæллонджын ныййарджытæн. Пандемияйы уавæртæ хынцгæйæ, социалон кусджытæ бæрæгбон сарæзтой 10 бинонтæн. Кæстæр кары сабитæ сæ мадæлтæн скодтой зæрдиаг лæвæрттæ, Æппæтуæрæсеон адæмон фронты номæй та сылгоймæгтæ райстой дидинджытæ æмæ электрон хæдзары дзаумæттæ. Уæвгæ, æхсæнадон кусджытæ сæ фыццаградон хæсыл нымайынц бирæсывæллонджын æмæ фæкæсынхъуаг бинонтæн æххуыс кæнын. Раздæр уал меценатты æххуысæй ахадгæ æххуыс райстой 30 бинонтæ.
темæмæ гæсгæ