02 декабря 2021, 11:34
Цæгат Ирыстоны райдыдта кусын, коронавирусæй чи сдзæбæх, уыцы адæмы реабилитацийы программæ
Æххæст æй кæндзысты санаторитæ Осетия æмæ Сосновая рощайы бындурыл
Цæгат Ирыстоны райдыдта кусын, коронавирусæй чи сдзæбæх, уыцы адæмы реабилитацийы программæ. Æххæст æй кæндзысты санаторитæ Осетия æмæ Сосновая рощайы бындурыл. Реабилитацион мадзæлтты архайдзæнис республикæйы геронтологон центр дæр. Реабилитаци ахæсдзæнис дыууадæс боны æмæ дзы уыдзæнис алыхуызон дзæбæхгæнæн мадзæлттæ, уыдонимæ психологон æххуыс дæр. Ацы азы кæронмæ фæллойы æмæ социалон райрæзты министрад ратдзæнис 220 балцæджы. Ведомствæ уыцы куыст кæндзæнис иннæ аз дæр. Балцæг раттынæн документ хъуамæ рафыссой бынæттон поликлиникæйы. Уæ зæрдыл уын æрлæууын кæндзыстæм — реабилитацийы тыххæй программæ саразыны фæндон загъта республикæйы сæргълæууæг Сергей Меняйло.
темæмæ гæсгæ
