Конкурс арæзт æрцыд президентон платформæ «Россия – страна возможностей»-ы проект æххæст кæнгæйæ
Цæгат Ирыстоны минæвæрттæ систы конкурс «Лидеры России»-йы финалисттæ. Конкурс арæзт æрцыд президентон платформæ «Россия – страна возможностей»-ы проект æххæст кæнгæйæ. Уыцы кады аккаг сси Перысаты Азæмæт дæр. Цæгат Ирыстоны паддзахадон университеты юридикон факультеты ахуыргæнæг рамбылдта трек «Паддзахадон разамынды». Финалисттæ æнтыстджынæй ацыдысты дистанцион къæпхæнтæ æмæ кæронбæттæн тестытæ. Ныр та сæм æнхъæлмæ кæсынц, аргъ кæмæн кæндзысты, ахæм фæлварæнтæ. Конкурсанттæ равдисдзысты сæ разамонджыты миниуджытæ, æмæ архайдзысты суперфиналмæ рацæуыныл. Финалистты хсæн Цæгат Кавказы федералон зылдæй астæуккаг къабазæй 44 разамонæджы, уæлдæр къæпхæны 19 разамонæджы, стæй организациты 15 сæргълæууæджы. Ацы сезоны Цæгат Кавказы федералон зылды 39 финалистæй дыууæмæ ис уæлдæр ахуырад, 15 адæймаджы та сты наукæты кандидаттæ. Цæгат Ирыстоны минæвæрттæ равзæрстой трек «Бизнес æмæ промышленность», цыппарæй та — «Паддзахадон разамынд». Уæлахиздзаутæ архайдзысты конкурсы суперфиналы æмæ райсдзысты ахуырадон грант – 1 милуан сомы.
