Уый тыххæй фехъусын кодта хъæуы хицау Сотиты Эльбрус
Тарскæйы уынгты рухсытæ сæвæрынæн 2022-æм азы дихгонд æрцæудзæн 4 сæдæ мин сомæй фылдæр. Уый тыххæй фехъусын кодта хъæуы хицау Сотиты Эльбрус. Куыд бафиппайдта, афтæмæй бынæттон администрацийы бюджеты фæрæзтæ фаг не сты, цæмæй хъæуы уынгты 80 проценты рухсытæй ифтонг æрцæуой, уый тыххæй. Фæлæ ацы хъуыддагыл куыст цæуы. 2022-æм азмæ рухсыты системæйæн æхца дихгонд æрцыди ацы азæй 3 хатты фылдæр. Уæ зæрдыл уын æрлæууын кæндзыстæм, Горæтгæрон районы прокуратурæ тæрхондонмæ барвыста курдиат, æмæ дзы бадомдта, цæмæй, хъæуы администрацийæ уынгтæ рухстæй сифтонг кæна. Тæрхонгæнæг æркасти хъуыддагмæ, сбæлвырд кодта лыстæг хъуыддæгтæ, æмæ Тарскæйы Ленины, Калинины, Комсомольскийы æмæ Фрунзæйы уынгты æртæ мæйы æмгъуыдмæ æвæрд æрцæудзæн рухсгæнæн системæ.
