Дзырдтой дзы республикæйы коммуналон къабазы компаниты финансон-хæдзарадон архайды тыххæй
Дзæуджыхъæуы Дзанайты Барисы разамындæй ацыдис æмбырд. Дзырдтой дзы республикæйы коммуналон къабазы компаниты финансон-хæдзарадон архайды тыххæй. Хицауады сæрдар æххæстгæнæг оргæнтæ æмæ муниципалитетты разамонджытæй бадомдта, цæмæй афойнадыл фидой коммуналон лæггæдтæн æмæ ма мбырд кæной хæстæ. Энергон ресурстæн фараст мæйы дæргъы куыд бафыстой, уый тыххæй радзырдтой Дзæуджыхъæуы газуарæн компани æмæ Цæгаткавказэнергойы минæвæрттæ. Куыд фæбæрæг кодтой, афтæмæй газæн фидынц хорз, фæлæ электрон энергийæн фиддонтимæ уавæр у зæрдæхсаинаг. Æппæты фылдæр хæстæ дарынц цæрæнуæтты-коммуналон хæдзарады куыстуæттæ. Куыд сбæрæг ис, афтæмæй муниципалитеттæ коммуналон лæггæдтæн æвзæр фидынц, афтæмæй та сын уыцы нысантæн æхцатæ дих кæны республикæйы бюджет. Дзæуджыхъæуы æмæ районты администрацитæн бабар кодтой, цæмæй уавæрмæ æркæсой, æмæ фиддонтимæ фарста æвæстиатæй алыг кæной. Уыимæ Дзанайты Барис раппæлыдис Кировы, Мæздæджы æмæ Æрæфы районтæй. Уыцы муниципалитетты фарстамæ ис бæрнон ахастдзинад æмæ сын уый тыххæй хæстæ нæй.
