Цæгат Ирыстонæй лæварæн райста Новосибирскы облæсты цæрджытæй, уым райгуырд Советон Цæдисы Хъæбатыр Петр Барбашов
Барбашовы фæзы фæзынди ног объект. Мозаикæйæ конд панно гранитæй къæйдурыл. Цæгат Ирыстонæй лæварæн райста Новосибирскы облæсты цæрджытæй, уым райгуырд Советон Цæдисы Хъæбатыр Петр Барбашов. Кадджын мадзалы дзы уыди видеоконференци Новосибрскы облæсты губернатор Андрей Травниковимæ дæр. Цæгат Ирыстоны Сæргълæууæг Сергей Меняйло арфæ ракодта йе мкусджытæн Сыбырæй, сæ зындгонд æмзæххоны æнæмæлгæ хъæбатырдзинад кæй хъуыды кæнынц, уый тыххæй. 2019-æм, 20-æм азты мидхъуыддæгты министрадæн республикæйы цæрджыты æххуысы руаджы йæ къухы бафтыд проект «Великая победа в лицах» царды рауадзын. Уæд комплексы фæзы æрæмбырд кодтой æмæ равæрдтой, фронтмæ чи ацыди, ахæм Цæгат Ирыстоны 90 æфсæддоны тыххæй æрмæджытæ. Ацы аз æй баххæст кодтой. Ног экспозицийы фенæн ис республикæйæ рацæуæг 73 салдаты нæмттæ, уыдон систы Советон Цæдисы Хъæбатыры кадджын номы аккаг, фæлæ йæ цавæрдæр аххосæгтæм гæсгæ нæ райстой. Петр Барбашовы номыл мозаика дæр сси комплексы ирддæр проекттæй иу.
