филиал вгтрк государственная телерадиовещательная компания “Алания”

Ног азы Цæгат Ирыстоны сæвæрдзысты 700 контейнеры, сæрмагондæй бырæттæ хицæнæй æмбырд кæнынæн. Мадзал æххæстгонд цæуы, национ проект «Экологи» æххæст кæнгæйæ. Æфсæйнаг контейнертæ уыдзысты цæлхытыл, стæй сæ сæртæ уыдзысты æмбæрзт. Сæ фæрстæ та сеткæйæ конд. Цæмæй сæ хуылфы цы ис, уый зына, уый тыххæй. Зæгъæм, пластикæй конд бырæттæ хицæнæй, гæххæттæй – хицæнæй. Алы контейнерыл дæр уыдзæн фыст. Уыдоны фæрцы бæрæг уыдзæн, кæм хус бырæттæ калын хъæудзæн, кæм та – уымæл хауæддзæгтæ. Бактæ сæвæрдзысты республикæйы алы районты. Се хсæн – Мæздæджы район, стæй туристон зонæтæ.