17 декабря 2021, 11:06
Мæскуыйы Уæлахизы музейы æвæрд æрцыди Плиты Иссæйы бюст
Цыртдзæвæн байгом кæныны кадджын мадзал баст уыди Мæскуыйы бынмæ ныббырстыл 80 азимæ
Мæскуыйы Уæлахизы музейы æвæрд æрцыди Советон Цæдисы 2 хатты хъæбатыр, Монголийы адæмон республикæйы хъæбатыр, æфсады инæлар Плиты Иссæйы бюст. Цыртдзæвæн байгом кæныны кадджын мадзал баст уыди Мæскуыйы бынмæ ныббырстыл 80 азимæ. Бюсты автор – скульптор Дзбойты Арсен. 4 азы размæ проект «Америкæйæ Азимæ намысы фæндагыл» æххæстгæнгæйæ Плиты Иссæйæн цыртдзæвæн байгом кодтой Монголийы дæр. 1945-æм азы августы Япойнийæ уæгъд кодта монгойлаг адæмы. Фарон ын йæ ном саккаг кодтой Улан-Баторы скъолатæй иуæн. Фыдыбæстæйы Стыр хæсты 75 азы кадæн та нæ зындгонд æмзæххонæн цыртдзæвæн байгом Кубæйы советон æфсæддонты мемориалы.
темæмæ гæсгæ
