Конкурсы сæйраг нысан – сывæллæтты æмæ æрыгæтты хсæн ирон æвзаг парахат кæнын
Дзæуджыхъæуы
Национ наукон библиотекæйы кадджын уавæры хорзæхгонд æрцыдысты сывæллæтты сфæлдыстады литературон конкурс «Ногдзауты» уæлахиздзаутæ. Сæ мадæлон æвзагыл чи фыссы, уыцы æвзонг авторты конкурс у традицион, æмæ арæзт цæуы республикæйы мыхуыры æмæ дзыллон коммуникациты Комитеты хъæппæрисæй. Конкурсы сæйраг нысан – сывæллæтты æмæ æрыгæтты хсæн ирон æвзаг парахат кæнын. Амæй размæ, жюрийы тæрхонмæ рахастой мадæлон æвзагыл сæхи фыст уацмыстæ, 8 номинацийы. Конкурс аразджытæ сæ зæрдæ дарынц, проекты чи архайы, уыцы фæсивæд, ирон литературæйы аккаг бынат кæй бацахсдзысты, ууыл. Кадджын мадзалы рæстæг сывæллæттæ бакастысты, сæхæдæг кæй ныффыстой, уыцы уацмыстæ. Уæлдай цымыдисагдæр та уыдысты театралон инсценировкæтæ. Ацы мадзалы фарс рахæцыдысты республикæйы хæлардзинады Хæдзар, стæй культурæйы къабазы ног технологиты æппæтадæмон фонд.