филиал вгтрк государственная телерадиовещательная компания “Алания”

Æппæтуæрæсеон адæмон фронты фæсивæдон къорды уæнгтæ бахыгътой са афæдзы куысты хатдзæгтæ. Ацы аз регионалон хайады активисттæ архайдтой акцийы «Мах стæм иумæ». Уый æххæст кæнгæйæ, æххуыс кодтой госпитæльтæн, æмæ хицæн адæймæгтæн. Дарддæр йæ куыст кодта коронавирусы фарстаты фæдыл колл-центр. Уымæй дарддæр командæйы уæнгтæ æххуыс кодтой Хъырымы цæрджытæн, донивылды фæстæ, стæй Арктикæ бырæттæй ссыгъдæг кæныны хъуыддаджы. Нæ республикæйы ма царды рауадздзысты проект «Тренер». Уый æнахъом сывæллæттæн æххуыс кæндзæн сæхи æхсæнадон царды ссарынæн. Фæсивæдон къорд æххуыс кæны æнæхъæлæджы уавæрты рæстæг дæр.