Экспозицийы фенæн ис алы азты конд чысыл пластикæйы куыстытæ, нывгæнæджы фырты хи коллекцийæ
Тугъанты Махарбеджы номыл аивадон музейы дарддæр цæуы скульптор Гадаты Лазары куыстыты равдыст-армукъа. Экспозицийы фенæн ис алы азты конд чысыл пластикæйы куыстытæ, нывгæнæджы фырты хи коллекцийæ. Æдæппæтæй дзы фенæн ис 13 куысты. Алкæцыйы дæр ирдæй зыны авторы бастдзинад ирыстойнаг культурæимæ. Скульптурæтæ конд сты бронзæйæ. Ацы равдыст цæудзæн 10-æм февралы онг. Уæвгæ Гадаты Лазары куыстытæ сты Третьяковы галерейы, Санкт-Петербурджы уырыссаг Паддзахадон музейы, Кельны, æмæ хи коллекциты Уæрæсейы, Америкæйы Иугонд Штатты, Германийы, Францийы. 2008-æм азы Третьяковы галерейы равæрдтой мастеры стыр равдыст. Куыстытæ конд уыдысты чысыл пласиткæйы жанры.
