Хæтæлтæ поселокмæ баластой 31-æм декабры
Мæздæджы районы Люба Кондратенкойы поселочы цæрджытæ æнхъæлмæ кæсынц, æрдзон газ сæм кæд бауаддзысты, уымæ. Хæтæлтæ поселокмæ баластой 31-æм декабры. Ныртæккæ æнхъæлмæ кæсынц, зæххы бын сæ кæд фæкæндзысты, уымæ. Сæ иумæйаг дæргъ у 12 километры. Куыстытæ райдайынмæ хъавынц ацы мæй. Мæздæджы районы уыд не сфæлдыстадон къорд, æмæ ныхасы бар нæ уацхæссæг Гæджиты Сосланæн.
Æнæ сугтæй Люба Кондратенкойы поселочы цæрджытæн зымæг арвитæн нæй. Сугтæ та ласынц Кæсæг-Балхъары республикæйæ. Æндæр уавæрты сæ фатертæ схъарм кæнæн сæ бон нæу. Хæринаг та цæттæ кæнынц газы баллонæй пайда кæнгæйæ. Вячеслав Димитрюков заполняет сæ байдзаг кæны хæстæгдæр артаджы станцæты.
Бынæттон фельдшерон-акушерон пункты та сæхи хъарм кæнынц сугтæй æндзаргæ пецæй. Ныртæккæ та пайда кæнынц калориферæй. Клуб цалдæр мæйы лæууы æгуыстæй, уымæн æмæ дзы зымæджы цыфæнды ирхæфсæн мадзæлттæ аразæн нæй.
Поселокмæ газ бауадзынæй зæрдæ æвæрдтой суанг ивгъуыд æнусы нæуæдзæм азты. Фæлæ хъуыддаг ныхæстæй дарддæр нæ ацыд. Уавæр аивта дыууæ мины æстдæсæм азы, поселочы депутат Антонина Иванова Битарты Вячеславимæ фембæлды фарста куы систа, уæд. Уæд æвæстиатæй бацæттæ кодтой проектон-сметон документаци.
Поселочы цæрджыты фылдæр хай хаст æрцыд газификацийы программæмæ. Бæлвырддæр та сæм æрдзон артаг бауадздзысты, æрмæст сæ зæххы хæйтты онг. Уый тыххæй та хъæуы зæххы хæйттæ закъонмæ гæсгæ хыгъды сæвæрын, кæнæ та сыл бартæ райсын.
Хæтæлтæ поселокмæ баластой 31-æм декабры. Ныртæккæ æнхъæлмæ кæсынц, зæххы бын сæ кæд фæкæндзысты, уымæ. Сæ иумæйаг дæргъ у дыууадæс километры. Куыстытæ райдайынмæ хъавынц ацы мæй.
