Парламенты Советы æрныхас кодтой федералон закъоны проектыл, нæ бæстæйы Бюджетон кодексмæ ивддзинæдтæ бахæссыны тыххæ
Цæгатирыстойнаг депутаттæ рахæцыдысты, Уæрæсейы Хицауад цы хъæппæрис бахастой, уый фарс. Парламенты Советы æрныхас кодтой федералон закъоны проектыл, нæ бæстæйы Бюджетон кодексмæ ивддзинæдтæ бахæссыны тыххæй. Ам æргом здæхт цæуы горæты рельсытыл цæуæг транспорты инфраструктурæйы рæзтмæ. Ацы хъуыддагæн фæрæзтæ дих кæндзысты регионалон æмæ муниципалон фæндæгты фондæй. Раздæр уыцы æхца цыдысты фæндæгты цалцæгыл. Депутаттæ ма хорзыл банымадтой иннæ ахсджиаг хъуыды дæр. Афтæмæй сенатортæ бахастой фæндон Фæллойадон кодексы 256-æм статьяйы æртыккæгæм хаймæ ивддзинæдтæ бахæссын. Уымæ гæсгæ, сылгоймаг сывæллонмæ зилыны отпускы куы уа, уæд ын бар уыдзæн кусгæ бон æнæххæстæй фæллой кæнынæн.
