Афтæ йæ схоныны тыххæй уынаффæ хаст æрцыд бынæттон администрацийы æмæ йемæ сразы ветеранты организаци
Мæздæджы кадджын уавæры байгом кодтой Афгайнаг сквер. Афтæ йæ схоныны тыххæй уынаффæ хаст æрцыд бынæттон администрацийы æмæ йемæ сразы ветеранты организаци. Ацы цауы фæдыл æвæрд æрцыд номарæн нысан, æмæ йыл ис æфсæддон-афгайнаджы сурæт. Уæвгæ, ацы цау баст уыд, Советон æфсæдтæ Афганистанæй ракæныны 33 азы бонимæ. Кадджын æмбырды архайдтой Гæрзифтонг тыхты ветерантæ, æфсæддонтæ, муниципалон скондты депутаттæ, æхсæнадон организациты минæвæрттæ, æвзонг æфсæддонтæ æмæ горæты уазджытæ. Тыджыты Захары номыл скъола-интернаты хъомылгæнинæгтæ Мæздæджы районы афгайнæгты æфсæддонты номыл бацæттæ кодтой сæрмагонд программæ. Æдзард хæстонты номыл се ппæт дæр дзырдтой бузныджы ныхæстæ. Активондæр æхсæнадон архайджытæн, ветерантæн æмæ æвзонг æфсæддонтæн ма кадджын уавæры лæвæрд æрцыдысты хæрзиуджытæ, кады гæххæттытæ æмæ зынаргъ призтæ. Минут æдзæмæй алæууыны фæстæ мемориалыл сæвæрдтой дидинджытæ æмæ веноктæ.
