Ахæм бæрæггæнæнтæ фехъусын кодта Фæндæгтыл æдасæй цæуыны паддзахадон автоинспекцийы хицау Моурауты Таймураз
Ивгъуыд азы республикæйы æрцыди 7 сæдæ 52 фæндаггон фыдбылызы. Фæмарди дзы 87 адæймаджы, алыхуызон цæфтæ та фесты минæй фылдæр. Ахæм бæрæггæнæнтæ фехъусын кодта Фæндæгтыл æдасæй цæуыны паддзахадон автоинспекцийы хицау Моурауты Таймураз. Кæд ныр бæрæггæнæнтæ къаддæр кæнынц, уæддæр, нырма уавæр у карз. Фæндаггон фыдбылызтæн сæ фылдæр уыдысты машинæтæ кæрæдзийы скъуырын, дыккаг бынаты фистæгæйцæуæгыл бацæуын, стæй фæндаджы былæй ахауын. Хуызистыты æмæ видеоцæстдарды системæ уæвгæ арæзт у æрмæст закъонхæлдтытæ бæрæг кæнынæн нæ, фæлæ цæмæй, шофырты хи дарыны фæтк фæнывылдæр уа, фæлæ йæ дыккаг хæс не ххæст кæны. Специалистты хъуыдымæ гæсгæ, инспекторты куыст профилактикон æгъдауæй ницы баивдзæн. Хъуамæ кæсой, æрмæст машинæты цыдмæ нæ, фæлæ фистæгæйцæуджытæм дæр. Æмбырды куыд фæнысан кодтой, афтæмæй бирæ хатт фæндаггон фыдбылызтæ æрцæуы, хæдзарон фос фæндæгтæм кæй рацæуынц, уый аххосæй дæр. Кæм хизынц, уымæ йæ цæст ничи дары. Æнæмæнгæй сын сæ хицæутты бæрнондзинад хъæуы фæкарздæр кæнын.
