Организацийы регионалон разамонæг Хъодзаты Аланы разамындæй æрныхас кодтой актуалон фарстатыл.
Дзæуджыхъæуы ацыд Цæгат Ирыстоны куыстдæтджыты иугонд «Промышленнон къабазы æмæ амалхъом адæмы Цæдисы» уæнгты æмбырд. Организацийы регионалон разамонæг Хъодзаты Аланы разамындæй æрныхас кодтой актуалон фарстатыл. Пандемийæйы аххосæй бизнес зынгæ фæкъуылымпы. Ныхас цыди бынæттон бюджетмæ хъалонтæ чи хæссы, уыцы амалхъом адæмы курдиатыл, цæмæй, муниципалон æмæ паддзахадон контракттæ дæтгæйæ, фылдæр æргом здахой бынæттон бизнесмæ. Бахастой фæндон, ацы аз амалхъом адæммæ информаци хæццæ кæной, фидæны паддзахадон заказты пъланты тыххæй. Уый фадат ратдзæни, бизнесæн бацæттæ кæнынæн æмæ ерысхъом базарадмæ йæхи лæггæдтæ бахæссын. Фарон, æргътæ кæй фæуæлдæр сты, уый зынгæ фæзынди базарадон бизнесыл. Аразджытæн баххуыс кæныны гæнæнтыл та нырма нæ бакуыстой. Уымæй уæлдай, цæдисы уæнгтæ загътой, инвестицион проекттæ фидаргæнгæйæ, сæ зæрдæ кæй дарынц, амалхъомдзинадæн æххуысы фондимæ æмгуыстадыл. Фембæлды æрныхас кодтой, профессионалон кадрты дефицитыл. Фæнд кæнынц куыстдæттыны комитеты æмæ ахуырады министрады æргом раздахын дæр. Уый баххуыс уыдзæни, куыстуæттæн кадртæ бацæттæ кæныны хъуыддаджы.
