17 марта 2022, 14:07
Паддзахадон автоинспекцийы кусджытæ сарæзтой радон профилактикон акци
Автоинспектортæ бæрæг кодтой, ныййарджытæ сæ сывæллæтты машинæты куыд ласынц, уымæ
Паддзахадон автоинспекцийы кусджытæ сарæзтой радон профилактикон акци. Дзæуджыхъæуæй Алагирмæ фæндагыл, мемориалон комплекс Барбашовы фæзы раз автоинспектортæ бæрæг кодтой, ныййарджытæ сæ сывæллæтты машинæты куыд ласынц, уымæ. Шофыртимæ кодтой æмбарынгæнæн ныхас, æмæ сын байуæрстой зæрдылдарæн фыстæджытæ. Уым нысангод сты æппæт домæнтæ, сабийы ласыны тыххæй. Профилактикон акцийы сæйраг нысан у фæндаггон фыдбылызты нымæц фæкъаддæр кæнын, æмæ ацы фарстамæ æхсæнады ргом раздахын.