Ацы хатт сын арвыстой нуазыны дон, хъарм мидæггæгтæ æмæ хойраджы продукттæ
Заводскойы поселочы цæрджытæ сæмбырд кодтой гуманитарон æххуыс, Украинæйы сæрмагонд æфсæддон операцийы чи архайы, уыцы уæрæсейаг æфсæддонты фарс рахæцыны нысанимæ. Ацы хатт сын арвыстой нуазыны дон, хъарм мидæггæгтæ æмæ хойраджы продукттæ. Зæгъæн ис, æмæ фыццаджыдæр цы хъæуы, æппæт уыцы дзаумæттæ. Заводскойы бынæттон администрацийы сæ зæрдæ дарынц, ацы гуманитарон æххуыс Мариупольмæ бахæццæ кæнын кæй бантысдзæн, ууыл.
Поселочы цæрджытæ канд хойраджы продукттыл æмæ уæлæдарæсыл нæ ахъуыды кодтой. Салдæттæн æххуыс кæнынц сæ уды хъармæй дæр. Афтæ 9 аздзыд Сланты Аланæйы бафæндыд, йæхицæн цы æхца æмбырд кодта, уыцы 300 сомимæ ма уæрæсейаг æфсæддонты номыл арвыста зæрдæмæхъаргæ писмо.
