07 апреля 2022, 12:32
Абон нæ бæстæйы бæрæг кæнынц æнæниздзинады бон
Дзæуджыхъæуы арæзт æрцыд æппæтуæрæсеон акци
Абон нæ бæстæйы бæрæг кæнынц æнæниздзинады бон. Уый кадæн Дзæуджыхъæуы арæзт æрцыд æппæтуæрæсеон акци. Ацы аз æнæниздзинады æппæтдунеон бон баст у планетæйы экологон сыгъдæгдзинадимæ. Спортивон акцийы девиз уыд «Планетæйы æнæниздзинадæй аразгæ у нæхи æнæниздзинад». Алы аз дæр акцийы бацархайынц фылдæр адæм. Йæ райдайыны размæ алы архайæгæн дæр скæнынц медицинон æркаст, сбарынц сын сæ туджы лхъывдад æмæ æндæр бæрæггæнæнтæ. Специалистæ зæгъынц – алы бон дæр адæймаджы хъæуы 10 000 къахдзæфы скæнын, цæмæй йæ цардыуаг, цавæр æмбæлы, ахæмыл нымад уа, уый тыххæй.