Конкурсы архайдтой скъоладзаутæ, студенттæ, скъола-интернатты æмæ скъолайы агъоммæйы ахуырады минæвæрттæ
Цæгат Ирыстоны æнæнхъæлæджы цауты министрады бахыгътой 5-æм æппæтуæрæсеон патриотон фестиваль «Звезда спасения»-йы 1-аг къæпхæны хатдзæгтæ. Конкурсы архайдтой скъоладзаутæ, студенттæ, скъола-интернатты æмæ скъолайы агъоммæйы ахуырады минæвæрттæ. Рæзгæ фæлтæр ерыс кодтой 4 номинацийы, нывкæнынадæй, музыкæйæ, сценикон дæсныйадæй æмæ литературон сфæлдыстадæй. Конкурсы лауреаттæн ведомствæйы разамонæг Александр Хоружий радта хæрзиуджытæ æмæ кады гæххæттытæ. Фæсивæдæн равдыстой ирвæзынгæнджыты кусæнгæрзтæ – зынгхуыссынгæнæн ног машинæтæ, арт хуыссынгæнæн сæрмагонд фæрæзтæ, стæй сын радзырдтой, æнæнхъæлæджы цауты рæстæг ахадгæ куысты сусæгдзиандты тыххæй.
