14 апреля 2022, 12:07
Цæгат Ирыстоны медицинон колледжы арæзт æрцыд радон рухстауæн акци
Ацы хатт баст уыд фæсивæды патриотон хъомыладимæ
Цæгат Ирыстоны медицинон колледжы арæзт æрцыд радон рухстауæн акци. Ацы хатт баст уыд фæсивæды патриотон хъомыладимæ. Тематикон урок саразгæйæ, ахуыргæнæндоны студенттæн радзырдтой, Украинæйы йы сæрмагонд æфсæддон операци цæуы, уый тыххæй. Минут æдзæмæй алæугæйæ, æрымысыдысты æдзард хæстонты рухс нæмттæ. Лæппутæн æмæ чызджытæн ма радзырдтой патриотизмы миниуджыты тыххæй, стæй алы уавæрты куыд иртæстгонд цæуы, уый тыххæй дæр. Медицинон колледжы территорийы арæзт æрцыд гуманитарон æххуыс æмбырд кæныны пункт. Студенттæ æмæ педагогтæ йæм æрбахæссынц æнæмæнг хъæугæ товартæ æмæ æндæр дзаумæттæ.