Гимназ «Диалог»-ы ахуырдзаутæ æмæ, ведомствойы бæрны чи нæй, уыцы управленийы стажертæ бабæрæг кодтой мидхъуыддæгты оргæнты стæй республикæйы Национ музейтæ
Уæрæсейы гвардийы республикон упарвленийы кусджытæ тематикон ахуыртæ сарæзтой сабитæн æмæ æнахъом сывæллæттæн. Гимназ «Диалог»-ы ахуырдзаутæ æмæ, ведомствойы бæрны чи нæй, уыцы управленийы стажертæ бабæрæг кодтой мидхъуыддæгты оргæнты стæй республикæйы Национ музейтæ. Лæппутæ æмæ чызджытæ базыдтой мидхъуыддæгты оргæнты историйы тыххæй. Уымæй дарддæр ма сын равдыстой документалон киноныв зындгонд Советон æфсæддон разамонæг, Советон Цæдисы дыууæ хатты хъæбатыр Плиты Иссæйы тыххæй. Фæсивæд ма цымыдисæй байхъуыстой ирон адæмы культурæйы æмæ историйы тыххæй. Мадзал саразджытæн ахсджиаг уыд рæзгæ фæлтæрæн рæстдзинады хабæрттæ ракæнын. Æрмæст афтæмæй ис сывæллæттæм патриотон æнкъарæнтæ æмæ фыдыбæстæмæ уарзондзинад гуырын кæнын.
