Ацы аз дзы архайдтой 500 адæймаджы онг канд нæ бæстæйæ нæ, фæлæ фæсарæнтæй дæр
10-æм хатт Цæгат Ирыстоны ныффыстой глобалон диктант. Ацы аз дзы архайдтой 500 адæймаджы онг канд нæ бæстæйæ нæ, фæлæ фæсарæнтæй дæр. Диктантæн эксперттæ равзæрстой Цгъойты Хазбийы уацмыс «Дыууæ Иры». Скъуыддзаджы уыд 180 дзырды. Диктант арæзт æрцыд, дæлпрограммæ «Ирон æвзаджы рæзт» æххæст кæнгæйæ. Ныхасы бар Хъантемыраты Зæлинæйæн.
Национ телеканал Осетия-Ирыстоны студи æмызмæлд кодта. Уыд стыр фидион центры æнгæс. Ам æхсæнады æмæ интеллигенцийы уæнгтæ фыстой диктант. Бæрæгбоны арфæтæ æгас аудиторийæн ракодта РЦИ-А ахуырады министры хæдивæг Дзанайты Марк.
Республикæйы аст районы дæр цæттæгонд уыдысты сæрмагонд бынæттæ. Фыстой Дзæуджыхъæуы ЦИПУ-йы æмæ ахуыргæнджыты дæсныйад бæрзонддæр кæныны институты дыууæ аудиторийы. Хорзыл банымайæн хъæуы уый æмæ ацы аз фылдæр фæсивæд архайынц мадзалы. Се ргом æм фылдæр аздæхтой алы кары адæм дæр.
Интернеты хорзæхæй пайда кæнгæйæ æмæ техникон фæрæзы фæрцы глобалон диктант ныффыссынæн фадат уыд, фæсарæнты цы ирæттæ цæры, уыдонæн дæр.
ПТРК-Алани дæр йе вæрæн æппынæдзухдæр бахæссы ацы хъуыддагмæ. Ныр дæр та текст касти Ирыстоны культурæйы сгуыхт кусæг нæ телекомпанийы амонæг Налдыхъуаты Зæлинæ
Æппæт куыстытæ дæр бæрæггонд æрцæудзысты хæстæгдæр бонты. Хатдзæгтæ фенæн уыдзæни министрады сайты.
