филиал вгтрк государственная телерадиовещательная компания “Алания”

Дзæуджыхъæуы арæзт æрцыди скъолайы агъоммæйы ахуыргæнæндæтты хъомылгæнинæгты хсæн республикон конкурс «Иры фидæн». Архайдтой дзы республикæйы æппæт районтæй 100 сывæллоны бæрц. Мадзал баст уыди ирон æвзаджы бонимæ. Зарджытæ, кæфтытæ, театралон скъуыддзæгтæ. Æвзонг курдиæттæ ерыс кæнынц актеры дæсныйады, аив кæсынæй æмæ ныв кæнынæй. Жюрийы хыгъды уыдысты ирон æвзаджы ахуыргæнджытæ стæй республикæйы ахуырады æмæ наукæйы министрады минæвæрттæ. Ам сын аргъ кодтой сæ ныхасы сыгъдæгдзинадæн, æмæ цы бацæттæ кодтой, уыдоны эмоционалон æууæлтæн. Конкурсы сæйраг нысан – сабитæн мадæлон æвзаг бауарзын кæнын æмæ сæ традицитæм сразæнгард кæнын. Конкурс цæуы 10-æм хатт.