20 мая 2022, 10:46
Самарæйы райдыдта 30-æм юбилейон «Уæрæсейаг студентон уалдзæг»
Цæгат Ирыстоны кад дзы хъахъхъæны 40 адæймагæй делегаци
Самарæйы райдыдта 30-æм юбилейон «Уæрæсейаг студентон уалдзæг». Фестиваль у тынг парахат. Егъау культурон цау бæстæйæ æрæмбырд кодта 5 мин архайæгæй фылдæр. Уазджытæ æрæмбырд сты æфсымæрон паддзахадтæй дæр. Фестивалы архайджытæн арфæ ракодта Уæрæсейы президент Владимир Путин. Цæгат Ирыстоны кад дзы хъахъхъæны 40 адæймагæй делегаци. Уыдон сты, апрелы цы регионалон къæпхæн ацыд, уый уæлахиздзаутæ. Студенттæ бацæттæ кодтой 13 номеры 5 къабазы. Сæ курдиат равдыстой хореографийæ, театралон аивадæй, инструменталон, вокалон къабæзты, стæй модæтæ æвдисынæй. Форумы уæлахиздзаутæ сбæрæг уыдзысты 23-æм майы.
темæмæ гæсгæ
