Ацы аз реабилитацион центр суазæг кæндзæн мин сывæллоны онг
«Тæмисчъы» райдыдта сывæллæтты сæрдыгон дзæбæхгæнæн кампани. Ацы аз реабилитацион центр суазæг кæндзæн мин сывæллоны онг. 1-аг рады архайджытæ ныридæгæн уадзынц сæ фæллад. Бацæттæ сын кодтой, дзæбæхгæнæн, ахуырадон æмæ ирхæфсæн программæтæ. Бæлвырддæр хабæрттæ радзурдзæн Хъайтмазты Дзерассæ.
Магнитон терапия цæуы 15 минуты. Уый дæтты сывæллоны æнæниздзинад фæфидардæр кæныны фадат. Хроникон низтæ, æнæхуыссæг, сæрырыст. Алы пациентимæ дæр ам хицæнæй кусынц. Алыхуызон медицинон терапиятæ кæнынæн хъæугæ кусæнгæрзтæ балхæдтой гранты фæрцы.
Ам алы бон дæр у минуттæм гæсгæ фыст. Аходæн, дзæбæхгæнæн процедурæтæ, ахуырадон программæтæ. Сывæллæттимæ кусынц Монтессорийы системæмæ гæсгæ. Педагогтæ сæ ахуыр кæнынц хи фæлтæрддзинад райсыныл.
Сæрмагонд цæстдард хойраджы фарстамæ дæр. Сывæллæттæн хæрын кæнынц бон 4 хатты. Алцыдæр фæлхасадмæ цæстдарды управленийы амынддзинæдтæм гæсгæ. Центры сæ фæллад уадзынц 7-æй 14 азы онг кæуыл цæуы, ахæм сывæллæттæ. Фыццаг рад ныридæгæн райдыдта. Се *рбацыдмæ ам сæрмагондæй цæттæ кодтой.
Æдæппæтæй ацы сезоны Тæмисчъы уыдзæн 5 рады. Сæрды ам сæ фæллад суаддзысты мин сывæллоны онг.
