Реконструкцийы рæстæг фæндагыл цæуæн хæххыты бæрц фæфылдæр уыдзæн 15-æй – 39-мæ
Уæрæсейæ Гуырдзыйы рдæм фæндагыл уæзласæн машинæты рад кæй æмбырд кæны, уый ног хъуыддаг нæу. Афтæ вæййы, æмæ Уæллаг Ларсы уадзæн пункты рады фæлæууынц сæдæгай æмæ суанг мингай машинæтæ. Ныртæккæ дзы алы бон дæр дыууæрдæм рацæуынц 500 уæзласæны. Уый та у, уадзæн пунктæн йæ хъомысæй 6 хатты фылдæр. Уыимæ уыцы-иу рæстæг дарддæр цæуы уæлæмхасæн хæххыты арæзтад. Цавæр къæпхæны сты рацарæзты куыстытæ, уый тыххæй радзурдзæн Сосранты Жаннæ.
Посты рацарæзт райдыдта фарон. Куыстытæ цæуынц уæззау географион уавæрты. Фæндаг æхгæнынц Дайраны комы хæхтæ.
Уымæй уæлдай та ма дзы уæлдæфы температурæ арæх ивы. Тыхджын дымгæ, мит уарыныл дис нæ кæнынц.
Арæнхъахъхъæнджытимæ, таможняйы æмæ проектон организацийы рагагъоммæйы æмгуыстады фæрцы бантыст ссарын хуыздæр гæнæнтæ, кæцыты фæрцы ахадгæдæр спайда кæнæн уыдзæн посты территорийæ.
Реконструкцийы рæстæг фæндагыл цæуæн хæххыты бæрц фæфылдæр уыдзæн 15-æй – 39-мæ.
Арæзтадон куыстыты архайы 120 специалистæй фылдæр æмæ нырыккон техникæйы 15 иуæджы.
Кæд куыстытæ цæуынц æхсæвæй бонæй, уæддæр уадзæн пункты архайд никуы æрлæууыд. Транспорт цæуы æрвылбоны фæткмæ гæсгæ. Арæзтадон куыстытæ хъуамæ конд æрцæуой афæдзы кæронмæ. Иннæ аз та уадзæн пункт æркусдзæн фылдæл хъомысæй.
