Социалон кусджытæ кæддæриддæр вæййынц фæкæсынхъуаг адæмы фарсмæ
Абон сæ профессионалон бон бæрæг кæнынц, царды зын уавæрты баххуыс кæнынмæ фыццаг чи рбацæуы, ахæм адæм. Социалон кусджытæ кæддæриддæр вæййынц фæкæсынхъуаг адæмы фарсмæ. Сæ хъарм æмæ фæлмæн зæрдæйы ахсат лæвар кæнынц æнæ вгъауæй. Социалон кусджытæ æххуыс кæнынц инвалидтæн, бирæсывæллонджын бинонтæн æмæ иунæгæй чи цæры, ахæм ацæргæ адæмæн. Сæ архайд арæзт у уымæ, цæмæй сын сæ царды уавæртæ фæрогдæр кæной. Ахæм ахадгæ æххуыс кæнынц Дзæуджыхъæуы социалон центры. Ардæм алы аххосæгтæм гæсгæ чи рбафты, уыдоны хсæн арæхдæр вæййынц, æнæ цæрæнуатæй кæнæ хæстæджытæй баззайæг адæм. Уымæй дарддæр сылгоймæгтæ сывæллæттимæ. Социалон центры кусджытæ уæлдай æргом здахынц, сæ бæрны чи ис, уыдоны æнæниздзинадмæ. Мартъийы скуыстой модулон блоктæ-контейнертæ. Ам карантины вæййынц – вирус æмæ улæфæнты низтæ кæмæ хæццæ кæнынц, ахæм адæм, стæй фыццаг хатт чи рбацыд, уыдон дæр.
