Йæ нысан у, адæмæн радзурын, карз нозт æмæ наркотиктæ æнæниздзинадæн цы зиан хæссынц, уый тыххæй
Акци «Точка жизни» арæзт æрцыд Сабырдзинады проспекты. Йæ нысан у, адæмæн радзурын, карз нозт æмæ наркотиктæ æнæниздзинадæн цы зиан хæссынц, уый тыххæй. Мадзал арæзт æрцыд наркотикты ныхмæ æмæ æнæниз цардыуаг парахат кæныны мæйон æххæстгæнгæйæ. Бацæттæ йæ кодта Ирыстойнаг районы социалон лæггæдты комплексон центр, æнæкоммерцион организаци «Большое сердце» æмæ Цæгат Ирыстоны паддзахадон медицинон академийы студенттæ. Адæмæн лæвæрдтой тематикон буклеттæ æмæ къафеттимæ чысыл къоппытæ, фидæны медиктæ та радзырдтой æмæ равдыстой, нарктотиктæ æмæ карз нозт цавæр фæстиуджытæм расайынц, уый. Мæйон фæуыдзæн 26 июны. Арæзт æрцæудзæн флешмоб.
Дзоблаты Альбинæ, Ирыстойнаг районы социалон лæггæдты комплексон центры директор: «Мах тынг фæнды цæмæй сывæллæттæ æнæнизæй рæзой. Абон мах рацыдыстæм антинаркоманийы мæйон фæдыл. Проспектмæ рацыдыстæм æмæ адæмæн дзурæм, куыд дзæбæх у æнæниз цард кæнын, мах лæвæрттæ кæнæм, информаци дæттæм. Чи нæм æрбацæуы, уыдон балæвар кæнæм къафеттæ».
