Хъæугæ медицинон процедурæтæ сæххæст кæнгæйæ, акцийы архайджытæ радтой туг – æмтгæй райсгæйæ 10 литры бæрц
Сæрмагонд операцийы чи фæцæф, уыцы æфсæддонтæн баххуыс кæнынæн Дзæуджыхъæуы арæзт æрцыд донорты акци. Архайдтой дзы, культурæйы кусæнуаттæ ифтонг кæныны центры кусджытæ. Æдæппæтæй 30 адæймаджы онг. Центры разамонæг Хъалаты Батрадз куыд загъта, афтæмæй туг радтын бирæты фæндыд, фæлæ кусæнуаты фылдæр архайынц хистæр кары адæм, донор уæвыны бар та ис 18-æй 65 азы онг кæуыл цæуы, уыдонæн. Хъæугæ медицинон процедурæтæ сæххæст кæнгæйæ, акцийы архайджытæ радтой туг – æмтгæй райсгæйæ 10 литры бæрц. Æрвыст æрцæудзæн Дзæуджыхъæуы æфсæддон госпитальмæ.
Хъалаты Батрадз, культурæйы кусæнуаттæ хæдзарадон ифтонг кæныны центры директор: «Ардæм уый тыххæй æрбацыдыстæм, цæмæй баххуыс кæнæм рынчындоны чи сты, уыцы лæппутæн. Ме *мкусджыты бафæндыд, уыцы хорздзинад скæнын. Чи нæ фена, æмæ кæй бафæнда мах бафæзмынын, уæд уый тынг хорз уаид, уæд баххуыс кæниккам лæппутæн».
