Куысты бынæттæ дæр æнцонтæй ссарынц.
Æфсæйнаджы æмæ дуры хуызтæ æвзарын æмæ зонын – уый иу. Фæлæ ма сæ æцæг шедевртæ аразын – уый иннæ хъуыддаг. Цæгат Кавказы хæххон металлургон институты рауагъдонтæ сæхи базонын кодтой, куыд хорз специалисттæ. Куысты бынæттæ дæр æнцонтæй ссарынц. Суанг ма сæхи куыстуæттæ дæр байгом кæнынц. Уæлдæр ахуыргæнæндоны студенттимæ аныхас кодта нæ уацхæссæг Тъехты Элинæ, æмæ йын бакæсæм йæ сюжетмæ.
Геологи у экономикæ, географи, физика, хими, инженери æмæ программæтæ аразыны хайадты арф зонындзинæдтæ кæм хъæуы, ахæм наукæ. Уыцы зонындзинæдтæ сты Гæзæлаты Хъазыбегмæ. Йæ арæхстдзинад равдыста, дипломон куыст куы хъахъхъæдта, уæд. Æрыгон лæппу Приморскы крайы Николаевскийы æрзæткъахæнты практикæйы цы зонындзинæдтæ райста, уыдонæй спайда кодта. Бантыст ма йын зæххы бын цы мыггæгтæ ссардтой, уыдонæй æрласын.
Хъазыбеджы тынг фæнды геологæй кусын. Практикæ та йын йæ тырнындзинад фæтынгдæр кодта. Арæхстджын специалисттимæ зонгæ кæнын æмæ хæхтæ иртасын. Ахæм лæмбынæг куыстыты руаджы студенттæ канд ног зонындзинæдтæ нæ райсынц, фæлæ ма сын фадат фæзыны куысты бынат раст равзарынæн.
Хæххон металлургон институт сæрыстыр у йæ геологийы кафедрæйæ. Ахуыргæнджыты ныхæстæм гæсгæ фыццаджыдæр уымæн, æмæ йæхиуыл цы студент кусы, уымæн ис фадат дарддæр йæ дæсныйадмæ гæсгæ кусын.
Минералтæ æмæ æфсæйнаг кæм скъахынц, уырдыгæй сæ хæрзаив кæм скæнынц, уырдæм. Æрмæджыты аивадон цалцæггæнæн технологийы кафедрæ у æрхуы кæнæ гранитæй рæсугъд дзаума саразын кæй фæнды, уыдонæн.
Кæй зæгъын æй хъæуы, зæрингуырды куысты хъæуынц теоретикон зонындзинæдтæ дæр. Згъæрты миниуджытæ хъæуы зонын æмæ æвзарын. Уыдон иууылдæр сты рæсугъд дзаума саразынæн æххуысгæнæг хъуыддæгтæ. Уымæ гæсгæ квалификацион куыст дæр у райдайæнæй кæронмæ специалист цы дзаума скодта, уый.
Хæххон металлургон институты кафедрæйы рауагъдонтæ куыстмæ бацæуынц æппæт дунейы стыр ювелирон куыстуæттæм. Уыимæ бирæтæ бакæнынц хи куыстуæттæ æмæ свæййынц хъæугæ специалисттæ.
