Се хсæн Цæгат Ирыстоны цæрджытæ дæр
Уæрæсейы Банчы статистикæмæ гæсгæ, фарон фыдгæнджытæ банчы клиенттæй адавтой 3 миллиард сомæй фылдæр. Се хсæн Цæгат Ирыстоны цæрджытæ дæр. Уый тыххæй журналисттæн йæ пресс-конференцийы фехъусын кодта Уæрæсейы Банчы цæгатирыстойнаг хайады разамонæг Дзиуаты Иринæ. Фæрæзтæ давыны парахатдæр хуыз, раздæрау, социалон инженери. Ома фыдгæнджытæ сæхи банчы кусджытæй, кæнæ æндæр финансон организациты специалисттæй æвдисгæйæ, бадзурынц адæммæ. Уыимæ сын фехъусын кæнынц, сæ картæйы цавæрдæр зæрдæхсаинаг операци конд кæй æрцыд, уый. Цæмæй сæ фæрæзтæ хъахъхъæд æрцæуой, уый тыххæй хъæуы картæйы бæрæггæнæнтæ фехъусын кæнын, æмæ æхца æдас хыгъды сæвæрын. Фарон Уæрæсейы Банчы хъæппæрисмæ гæсгæ, Цæгат Ирыстоны ахуыссын кодтой 179 мин телефоны номырæй фылдæр. Уыдонæй пайда кодтой цæстфæлдахджытæ. Уыимæ нæ регион нæ бæстæйы нымад æрцыд, дистанцион дæвдтытæ кæм раргом кæнынц, ахæм 15 хуыздæр регионы хыгъдмæ.
