Объект кадджын уавæры байгом кæнынмæ æрæмбырд ис бирæ адæм, суанг æнæхъæн бинонтæй
Аив рухсытæ æмæ зæрдæмæдзæугæ зæлтæ. Беслæны скуыста фыццаг музыкалон фонтан. Горæты цæрджытæн уый сси, рагæй кæмæ æнхъæлмæ кастысты, ахæм цау. Объект кадджын уавæры байгом кæнынмæ æрæмбырд ис бирæ адæм, суанг æнæхъæн бинонтæй. Уыимæ не сфæлдыстадон къорд дæр. Арæзт сын æрцыд бæрæгбон. Бæлвырддæр хабæрттæ радзурдзæн Хъайтмазты Дзерассæ.
Даргъ тезгъогæнæн зонæ, бандæттæ, рухс. Беслæны Хозиты Владимиры номыл центрон аллеямæ æрæджы базылдысты. Ныр цæрджытæн сси уарзон бынат. Ам адæм сæ фæллад уадзынц, бæлæсты бын хурæй сæхи æмбæхсынц. Беслæны сæргълæууæг Тæтæраты Вадим куыд зæгъы, афтæмæй аллеямæ базылдысты федералон программæ «Доступная среда»-мæ гæсгæ. Ныр горæт йæхи тыхтæй дарддæр ацы хъуыддаг æххæст кæны. Муниципалон бюджеты фæрæзтæй ам сарæзтой музыкалон фонтан. Йæ алыварс скодтой фæлладуадзæн зонæ. Уырнгæ дæр нæ кæны, нырма фарон ацы бынаты базарадон киосктæ кæй уыд.
Тæтæраты Вадим – Беслæны сæргълæууæг: «Нæ Беслæныхъæуæн уый сæрмагонд хъуыддаг у. Цæрджытæ йæм бирæ æнхъæлмæ кастысты. Ацы бынат уыд æдзæллаг. Цæрджытæ нын нæ размæ хæс сæвæрдтой, цæмæй ацы бынат, не рбацæуæн срайдзаст кæнæм. Æмæ ацы хъуыддаг нæ къухы бафтыд».
Фонтан скодта фæлтæрдджын арæзтадон организаци. Ахæм куыстытæ æххæст кодта Уæрæсейы бирæ æндæр горæтты.
Юрий Старовойтов – Арæзтадон организацийы минæвар: 05:26 Здесь, на данном фонтане 16 струй. Все с подсветкой, с музыкальным сопровождением. На данном этапе сейчас семь мелодий. + 05:41 Есть современная, и классика, есть старые добрые песни, которые все знают, и пару осетинских композиций. + 06:15 Днем будет в детском режиме работать, чтобы детишки могли побегать в жару, искупаться, охладиться с невысокими струями, чтоб все было нормально. – Наступать на покрытие можно? –Да, можно, оно выдержит достаточно хороший вес, поэтому провалов не должно быть никаких.
Ахæм объект Беслæны нæма уыд, зæгъынц горæты цæрджытæ. Фæлладуадзæн зонæйыл хъæлæс кодтой, фæлæ ахæм зæрдæмæдзæугæ кæй рауайдзæн, уый æнхъæл нæ уыдысты.
Мæргъиты Мелиндæ: «Махæн нæ зæрдæмæ тынг цæуы, фонтан дзы кæй сарæзтой. Ис дзы бандæттæ. Ис дзы улæфын. Æмбырд бинонтæй ардæм цæудзыстæм, кæсдзыстæм. Сывæллæттæ сæхи найынц. Адæмæн дзæбæх у».
Горæты цæрджытæн бацæттæ кодтой бæрæгбон. Музыкалон программæйы – Тайсауты Олег, трио «Фидæн», Таймазты Мæдинæйы кафæн къорд «Заринæ» æмæ фæндырдзæгъдджыты дуэт. Сабиты та ирхæфстой аниматортæ, равдыстой ма сын мультфильм «Волшебная свирель Ацамаза».
Фонтан кусдзæн æрвылбон. Райсомæй изæры 8 сахатмæ хуымæтæг фæткмæ гæсгæ, изæры 10 сахаты онг та дзы хъуысдзысты музыкалон зæлтæ.
