08 июля 2022, 11:27
Украинæйы сæрмагонд æфсæддон операцийы чи архайы, уыцы службæгæнджытæн арвыстой гуманитарон æххуыс
Хæрзаудæн акци «Салдатæн æрвыстæг» Цæгат Ирыстоны арæзт æрцыд ныр 12-æм хатт
Украинæйы сæрмагонд æфсæддон операцийы чи архайы, уыцы службæгæнджытæн арвыстой гуманитарон æххуыс. Хæрзаудæн акци «Салдатæн æрвыстæг» Цæгат Ирыстоны арæзт æрцыд ныр 12-æм хатт. Уыцы мгъуыдмæ бархионтæн бантыст стыр хъуыддаг бакæнын. Иуæй – æрæмбырд кодтой хойраджы продуктты 10 тоннæйы. Уымæй дарддæр ма – нуазыны дон, сæрмагонд уæлæдарæс, гигиенæйы фæрæзтæ. Акцийы бацархайдтой амалхъом адæм, паддзахадон хицаудзинады оргæнты кусджытæ æмæ зæрдæхæлар адæм. Зæгъдзыстæм ма иу ахсджиаг фиппаинаг – алы къоппы дæр сæвæрдтой зæрдæмæхъаргæ фыстæджытæ æмæ нывтæ. Скодтой сæ скъоладзаутæ æмæ сывæллæтты рæвдауæндæтты хъомылгæнинæгтæ.
темæмæ гæсгæ
