Йæ архайджытæ рахæцыдысты, микрофинансты Фонд чысыл æмæ астæуккаг куыстуæттæн процентты бæрц фæкъаддæр кæныны хъæппæрисы фарс
Республикæйы экономикæйы рæзтыл санкицты уавæрты ныхас цыд Оперативон штабы æмбырды. Йæ архайджытæ рахæцыдысты, микрофинансты Фонд чысыл æмæ астæуккаг куыстуæттæн процентты бæрц фæкъаддæр кæныны хъæппæрисы фарс. Ныртæккæ 3% ставкæ парахат кæны æрмæстдæр экономикæйы раззагдæр къабæзты. Иннæтæн та йæ бæрц у 5 æнæхъæны æмæ 5 дæсæм хай проценты. Дзанайты Барисы ныхæстæм гæсгæ, кризисы ныхмæ мадзæлттæ арæзт сты чысыл бизнесæн æххуыс кæныны тыххæй. Æмбырды ма ныхас цыд хъæууон хæдзарады къабазы амалхъом адæмæн æххуысы фæрæзтыл. Федералон профилон ведомствомæ арвыстой гæххæттытæ, 11 хæдзарадæн паддазхадон æххуыс райсыны тыххæй. Инвестициты иумæйаг бæрц уыдзæн 1 млрд сомæй фылдæр. Уыдонæй базилдзысты 5 мин гекатры хуымзæххытæм. Уымæй дарддæр 13 хæдзарады систы «Бинонты фермæты» конкурсы уæлахиздзаутæ, æмæ гранттæ райстой 123 млн сомæн.
