15 июля 2022, 11:04
Архонкæйы станицæйы уынгтæй иу амæй фæстæмæ хæсдзæн æфсæддон-интернационалист Бæройты Эльбрусы ном
Республикон гвардийы командæгæнæг цы хæдзары царди, уый къулыл кадджын уавæры байгом кодтой мемориалон фæйнæг
Архонкæйы станицæйы уынгтæй иу амæй фæстæмæ хæсдзæн æфсæддон-интернационалист Бæройты Эльбрусы ном. Республикон гвардийы командæгæнæг цы хæдзары царди, уый къулыл кадджын уавæры байгом кодтой мемориалон фæйнæг. Бæройты Эльбрус тох кодта Афганистаны хæсты. Уымæй дарддæр разамынд лæвæрдта сабырдзинадтауæг батальонæн Хуссар Ирыстоны быцæуы рæстæг 1992-æм азы. У Сырх стъалыйы ордены кавалер. Йæ цардæй ахицæн 4 азы размæ. Йе мкусджытæ æмæ службæгæнджытæ Бæройты Эльбрусы сæ зæрдыл бадардтой куыд ныфсдæттæг æмæ рæстдзæвин æфсæддон разамонæгæй, стæй царды дæнцæг исын кæмæй ис, ахæм адæймагæй.
темæмæ гæсгæ
