Ростовы патриотон змæлдимæ æмном акци арæзт цæуы 7-æм хатт
Машинæтыл дугъ «Намысы фæндæгтæ – нæ истори»-йы архайджытæ бабæрæг кодтой Дзæуджыхъæу. Ростовы патриотон змæлдимæ æмном акци арæзт цæуы 7-æм хатт. Уыцы рæстæгмæ архайджытæ бабæрæг кодтой 8 бæстæйы æмæ Уæрæсейы 36 субъекты. Ацы аз машинæтыл дугъ сбастой Кавказы тохы 80 азимæ. Делегацийы хыгъды – Ростовы облæсты фæсивæд, Белоруссийы, Сербийы, Донецкы æмæ Луганскы адæмон республикæты минæвæрттæ. Се *ппæты дæр баиу кодта иу нысан – Украинæйы сæрмагонд операцийы чи архайы, уыцы æфсæддонты фарс рахæцын. Акци æххæстгæнгæйæ арæзт æрцыд номарæн митинг, Намысы Мемориалы цур сæвæрдтой дидинджытæ. Мадзалы ма архайдтой Дзæуджыхъæуы администрацийы, ветеранты, фæсивæдон æмæ æхсæнадон организациты минæвæрттæ.
