Уый уыди Фыдыбæстæйы Стыр хæсты æппæтæй дæргъвæтиндæр æфсæддон операци
80-ай азы размæ – 1942-æм азы райдыдта Кавказыл тох. Уый уыди Фыдыбæстæйы Стыр хæсты æппæтæй дæргъвæтиндæр æфсæддон операци – 442 боны. Немыц сæ ных сарæзтой Цæгат Ирыстоны сæйраг горæт Дзæуджыхъæу бацахсынмæ, æмæ афтæмæй Грознайы нефтыгуырæнтæм фæндаг байгом кæнын. Баку æмæ Фæскавказы уылты Хæстæг Скæсæнмæ бахæццæ уæвын. Дзæуджыхъæуы фидары цур Сырхæфсæддонты уæлахиз сси, Кавказмæ чи бырста уыдоны ныппырх кæныны фыццаг къæпхæн. Кавказ хъахъхъæнын æмæ Дзæуджыхъæу хъахъхъæнджыты сгуыхтдзинæдтæ хаст æрцыдысты Фыдыбæстæйы Стыр хæсты азфыстмæ, куыд йæ сæйрагдæр æмæ ахсджиагдæр цаутæй иу. Хæстон цаутæ цыдысты афæдзæй фылдæр, æмæ ахастой милуан адæймагæй фылдæры цард. Кавказыл тох фæци 1943-æм азы 9-æм октябры.
