Бирæты ныртæккæ цæуынц аивгæнæн æмæ цалцæггæнæн куыстытæ
Республикæйы æппæт районты дæр стыр æргом аздæхтой сывæллæтты ирхæфсæн фæзтæм. Бирæты ныртæккæ цæуынц аивгæнæн æмæ цалцæггæнæн куыстытæ. Дæнцæгæн æрхæсдзыстæм Мæздæг. Адæмон фронт ацы фарста йæхимæ куы райста, уæд дзы сцалцæг кодтой сывæллæтты хъазæн элементтæ. Чи бамбыд, ахæм конструкцитæ уал ивынц. Стæй ма мониторингы рæстæг раиртæстой, баскетболæй хъазæн спортивон кусæнгæрзтæ кæй сызгæ сты, уый. Уæвгæ, Адæмон фронты эксперттæ цы хатдзæгтæ скодтой, уыдон арвыстой Мæздæджы муниципалитетмæ. Рæстæг куы рацыд, уæд та ногæй сарæзтой бæрæггæнæн иумæйаг рейд. Уæд цы фиппаинæгтæ скодтой, уыдон иууылдæр иуварсгонд æрцыдысты. Æхсæнадон кусджытæ ма инспекци скодтой, æхсæнадон территориты цы сывæллæтты ирхæфсæн фæзтæ ис, уыдонæн дæр. Уæлдай æргом аздæхтой, фæзтæ цæмæй æмбæрзт сты, уыцы æрмæгмæ, стæй саст аттракционтæм. Мæздæджы сывæллæтты ирхæфсæн фæзтæм дарддæр дæр бæстон цæстдард цæудзæн Адæмон фронты цæгатирыстойнаг регионалон штабы экспертты рдыгæй.
