Традицимæ гæсгæ дзы архайдтой республикæйы Сæргълæууæг Сергей Меняйло, æххæстгæнæн хицаудзинады оргæнты разамонджытæ, федералон ведомствоты минæвæрттæ, муницпалон скондты æмæ бынæттон хиуынаффæйады администрациты сæргълæуджытæ
Педагогон кусджыты æрвылазон августы æмбырд арæзт æрцыд Дзæуджыхъæуы. Традицимæ гæсгæ дзы архайдтой республикæйы Сæргълæууæг Сергей Меняйло, æххæстгæнæн хицаудзинады оргæнты разамонджытæ, федералон ведомствоты минæвæрттæ, муницпалон скондты æмæ бынæттон хиуынаффæйады администрациты сæргълæуджытæ, уæлдæр ахуыргæнæндæтты ректортæ, скъолаты директортæ æмæ педагогтæ. Конференцийы стыр æргом аздæхтой Уæрæсейы рухстауынады Министрады проекттæм. Хицæн ныхас цыд федералон паддзахадон информацион системæ «Моя школа»-йыл. Уымæй дарддæр конференцийы архайджытæн фадат уыд презентацион равдыст фенынæн. Уырдæм хаст æрцыдысты ахуырадон системæйы æмæ процессы методикæтæ æмæ технологитæ. Райдай скъолайы агъоммæйы ахуырадæй æмæ астæуккаг профессионалонæй фæуы.
