Фæстаг дыууæ боны Цæгат Кавказы федералон зылды регионты уæлдæфы температурæ схиздзæн 40-43 градусы онг
Синоптиктæ æмæ ирвæзынгæнджытæ сидынц республикæйы цæрджытæм, цæмæй сæхи хъахъхъæной знæт хуыр тынтæй. Фæстаг дыууæ боны Цæгат Кавказы федералон зылды регионты уæлдæфы температурæ схиздзæн 40-43 градусы онг. Цалдæр районы расидтысты зынгсирвæзтыты ныхмæ æдасдзинады æппæтæй бæрзонддæр æмвæзад. Цæгат Ирыстоны æмæ Кæсæг-Балхъары гæнæн ис, æмæ уæлдæфы температурæ схиздзæн 38 градусы онг. Дагестаны цалдæр районы та термометр амондзæн 42-43 градусы. Мæхъæлы республикæйы дæр уыдзæн тæвд 40-41 градусы, уый хæххон районтæ нæ нымайгæйæ. Æнæнхъæлæджы уавæрты министрадæй куыд хъусын кæнынц, æмæ сидынц адæммæ, цæмæй уæлдай хатт æрдзмæ ма цæуой, артимæ архайгæйæ, уой къæрцъхъус. Уыимæ дарын хъæуы урс æмæ рухс хуызты уæлæдарæс. Ирвæзынгæнджытæ дæр фæдзæхсынц республикæйы цæрджыты, цæмæй гæнæн æмæ амалæй фылдæр уой сатæг рæтты. Стæй ма хъæуы арæх дон нуазын.
