Уыдон кæсдзысты, 10-æм æмæ 11-æм сентябры Горæтгæрон æмæ Дыгуры районты æвзæрстытæ куыд цæудзысты, уымæ
Октябрьскæйы сарæзтой ахуырадон семинар хæдбар цæстдарджытæн. Уыдон кæсдзысты, 10-æм æмæ 11-æм сентябры Горæтгæрон æмæ Дыгуры районты æвзæрстытæ куыд цæудзысты, уымæ. Мадзалы архайдта 75 цæстдарæджы, стæй цалдæр стыр æхсæнадон организацийы минæвæрттæ. Се *хсæн «Æфсæддон æфсымæрад», «Уæрæсейы фæсивæды Цæдис» æмæ «Республикæйы сылгоймæгты Совет». Цæстдарджытимæ видеобастдзинады фæрцы аныхас кодта ассоциаци «Хæдбар æхсæнадон мониторинг»-ы федералон специалист-эксперт, социологон наукæты кандидат Антон Лукаш. Сæрмагонд æргом аздæхта мæнг хабæрттимæ тохмæ. Йæ ныхæстæм гæсгæ, уæззау геополитикон уавæры фæсарæнтæй ис бæстæйы æвзарæн системæ фæкъуыхцы кæныны фæлварæнтæ. Æмæ цæстдарджытæ хъуамæ зоной информацион тыгъдады раст ориентаци кæнын.
