Премьер Дзанайты Барис куыд загъта, афтæмæй сæйраг финансон документыл кусгæйæ, ахсджиаг у социалон-экономикон политикæйы фыццаградон хæстæ хынцын
Республикæйы Хицауады профилон къамис æркасти хæстæгдæр 3 азмæ бюджеты фарстамæ. Премьер Дзанайты Барис куыд загъта, афтæмæй сæйраг финансон документыл кусгæйæ, ахсджиаг у социалон-экономикон политикæйы фыццаградон хæстæ хынцын æмæ республикæйы цæрджыты раз хæстæ æххæст кæнын. Уымæй дарддæр ахсджиаг у национ проекттæм æмæ паддзахадон программæтæм гæсгæ мадзæлттæ æххæст кæнын. Æмбырды ма куыд загътой, афтæмæй 2023-æм азы рæздзысты хъалонтæй æфтиæгтæ дæр. Уый тыххæй бæстон радзырдта финансты министры хæстæ æххæстгæнæг Исахъты Олег. Фидæны бюджетон цикл бæрæг кæнгæйæ, стыр æргом аздахдзысты бюджетон къабазы кусджытæн мызд фидынмæ, социалон æххуысы мадзæлттæм, стæй муницпалон скондты дотацитæм. Фыццаградон хæрдзтæм хауынц – бюджетон къабазы муницпалон организациты зынгсирвæзтыты ныхмæ æдасдзинад æмæ терроризмы ныхмæ куыст. Уымæй дарддæр бæстон æмæ ахадгæ куыст цæудзæн национ проекттæн фæрæзтæ дих кæныны хъуыддаджы.
