Премьер-министр федта, социалон объекттыл куыд кусынц, уый
Цæгат Ирыстоны хицауады сæрдар Дзанайты Барис кусæг балцы уыд Æрæфы районы. Премьер-министр федта, социалон объекттыл куыд кусынц, уый. Муниципалитеты сæргълæуджытимæ æркаст, Цыколайы цы спортивон дзæбæхгæнæн комплекс аразынц, уый уавæрмæ. Объект арæзт цæуы паддзахадон программæйы фæрцы. Подрядон организаци йыл схардз кæндзæн 304 милуан сомы. Æрæфы районы администрацийы сæргълæууæг Лагкуты Омар куыд фæбæрæг кодта, афтæмæй, фондз мин квадратон метры фæзуатыл арæзт цæуынц спортивон фæзтæ, футболон фæз. Комплексы хъуамы фадат уа, спорты 8 хуызæй архайынæн. Объект хъуамæ экплуатацийы лæвæрд æрцæуа 2023-æм азы сентябрьмæ. Бабæрæг ма кодтой Æхсæрысæры скъола. Йæ рацарæзтыл куыст цæуы æнæ рлæугæйæ. Фæлæ премьеры ныхæстæм гæсгæ куыстыты цыд фæтагъддæр кæнын хъæуы, цæмæй скъола ног ахуыры азмæ реконструкцигонд æрцæуа, уый тыххæй. Ацы аз Цæгат Ирыстоны цалцæггонд цæуы 44 скъолайы, фæлæ уый æфсон нæу куыстыты мгъуыд не ххæст кæнынæн. Дзанайты Барис ма федта «Цыкола-Мацутæ-Комы Арт» Галиатмæ фæзилæнмæ автомобилон фæндаг дæр. Куыст ыл цæуы, федералон проект «Турзимы инфраструктурæйы рæзт»-мæ гæсгæ. Ацы объект хъуамæ лæвæрд æрцæуа 2022-æм азы кæронмæ.
