Уымæй дарддæр æфсæддон цæттæдзинад стæй психологтимæ æмæ мидхъуыддæгты министрады кусджытимæ лекцитæ
Спортивон хъæзтытæ, экскурситæ, наукон-техникон ахуыртæ æмæ аивадон сфæлдыстад. Уымæй дарддæр æфсæддон цæттæдзинад стæй психологтимæ æмæ мидхъуыддæгты министрады кусджытимæ лекцитæ. Ахæм фæлладуадзæн мадзæлттæ бацæттæ кодтой лагерь «Патриот»-ы хъомылгæнинæгтæн. Ацы аз дзы архайынц, 11 азæй 17 азы онг кæуыл цæуы, ахæм лæппутæ æмæ чызджытæ. Профилон фæлтæр лагеры арæзт æрцыд 4-æм хатт.
Спортивон хъæзтытæ, экскурситæ, наукон-техникон æмæ аивадон сфæлдыстады уроктæ, стæй райдайæн æфсæддон цæттæдзинад ацæуын, Мидхъуыддæгты министрады кусджытимæ æмæ психологтимæ лекцитæ. Фæлладуадзæн рæстæг пайдаимæ арвитын ис лагерь «Патриот»-ы сæрмагонд рады. Ацы аз патриотон фæлтæры архайджытæ систы, 11-æй 17 азы онг кæуыл цæуы, ахæм сывæллæттæ. Лæууынц мидхъуыддæгты оргæнты хыгъды, кæнæ та сты, царды зын уавæры чи бахауд, уыдон.
Лагерь «Патриот» у мидхъуыддæгты æмæ ахуырады æмæ наукæйы министрадты, фæсивæды хъуыддæгты фæдыл комитеты, стæй республикæйы æндæр ведомствæты иумæйаг программæ. Сæрдыгон лагерь сывæллæттæн дæтты, сæхи æфсæддонтæй банкъарыны фадат, æххуыс кæны фидæны дæсныйад равзарын, райсын пайдайаг зонындзинæдтæ æмæ ссарын ног хæлæртты.
Лагерьаразджытæ куыд зæгъынц, афтæмæй рæзгæ фæлтæр кæрæдзиимæ æнгом кæнынæн æххуыс сты командон ерыстæ. Ахæм нысанимæ сывæллæттæн сарæзтой æфсæддон-спортивон хъазт «Доблесть спецназа». Архайджытæ райстой бæлвырд инструкци, æмæ райдыдтой хæслæвæрдтæ æххæст кæнын.
Тыхджындæр суæвын, фæлтæрддзинад райсын, командæйы кусын зонын, æмæ, сæйрагдæр, царды раст фæндагыл слæууын. Ахæмтæ сты сæрдыгон лагеры нысантæ. Профилон фæлтæр «Патриот» арæзт æрцыд 4-æм хатт.
